E/ Roll Observer hovin Siaha-ah Meeting nei a ni

Siaha; January ni 10: Vawiin 12:00 Noon khan DC Conference Hall-ah Lawngtlai leh Siaha District E/Roll observer atan a ruat Pu JP Agrawal hovin meeting neih a ni.

Vawiin meeting-ah hian Pu Agrawal chuan Inthlanna felfai, langtlang leh huapzo neih nana thil pawimawh ber pakhat leh chutiang kawnga hmalakna hmasa ber chu E/Roll dik leh felfai buatsaih hi a ni. Chutiang E/Roll dik leh felfai kan neih theih nan chuan concern official te leh Tlawmngai pawl leh Political party te thawhhona tha hi a pawimawh ber thin a ni. Siaha district chhunga political party hrang hrang leh tlawmngai pawl hrang hrang te hian E/Roll buatsaihtu official te hi lo thawhpui chhunzawm zel turin ka ngen che u a, in thawhpuina tha tak an lo dawn tawh zawng zawngah Concern official te aiawhin lawmthu ka sawi hrilh bawk a che u, a ti.

Ni 16.12.2019 thlenga Siaha district chhunga Draft Roll-a voters te dinhmun chu hetiang hian a ni.

39-Siaha(ST) A/C hnuaiah mipa voters 10246 leh hmeichhe voters 11172, a vaiin voters 21418 an awm mek a.40-Palak(ST) A/C hnuaiah mipa voters 19320 leh hmeichhe voters 20341, an vaiin 18243 an awm mek a ni. Tichuan Siaha district chhunga voters awmzat chu 39662 a ni.

Ni 1/1/2020 qualifying date a hmangin tunah hian Special Summary Revision kalpui mek a ni a. Ni 7/2/2020-ah Final Roll hi tlangzarh a ni ang.

Vawiin meeting-ah hian DEO leh bawrhsap ni bawk Pu Bhupesh Chaudhary IAS te, Pu Malsawmtluanga,ERO leh Addl.DC ni bawk te leh Pu H.Zonunmawia EO te bakah tlawmngai pawl aiawh leh Political party aiawhte an tel a ni.

ISSUED BY: INFORMATION & PUBLIC RELATIONS OFFICE
SIAHA DISTRICT:SIAHA