SIAHA-AH DRAFT E-ROLL TLANGZARH A NI

Siaha, November 16 : Vawiin chawhnu dar 01:00Pm khan DC’s office Chamber-ah Siaha district a 39-Saiha A/C leh 40-Palak A/C a Draft Electoral Roll chu Pu.Kesavan R, IAS, District Election Officer leh District Bawrhsap ni bawk chuan a tlangzarh a. Political Party hrang hrang aiawhte hnenah a Hard leh Soft copy khat theuh a pe hlawm bawk a ni.

Draft E /Roll tlangzarhna-ah thu sawiin; Pu Kesavan chuan Election langtlang, felfai leh huapzo tak neih tur chuan kan E/Roll atanga bul kan tan a ngai a. Draft E/Roll hi chutiang atana hmalakna hmasa ber niin; Draft E/Roll falfai tak buatsaihna kawnga thawktute zawng zawng hnenah lawmthu ka sawi tak meuh a ni, a ti.

Tarik 01.01.2021 qualifying date a hmang a buatsaih Draft E/Roll tlangzarh takah hian 39-Saiha A/C-ah Mipa Voter 10532 leh hmeichhe Voter 11430 an awm a, an vaiin Voter 21962 an awm mek a ni. 40-Palak A/C-ah hian Mipa voter 9275 leh hmeichhe voter 9391 awmin, an vaiin voter 18666 a awm thung. Service voters hi 39-Saiha A/C-ah 65 awmin, 40-Palak A/C-ah Voter 81 an awm thung. Siaha district-a service voter awm za chu an vaiin 146 an ni. 39-Saiha A/C leh 40-Palak A/C belhkhawm hian Siaha District pumpuiah voter (Service vote chhiar telin) 40774 an awm mek a ni.

Summary Revision of Electoral Roll neih chungchanga State Election Commission, Mizoram chuan hetiang hian hriattirna a chhuah :-

1. Publication of Integrated Draft E-Roll – 16.11.2020

2. Filling of Claims & Objections – 16.11.2020 – 15.12.2020

3. Special campaign dates – Two saturdays and Sundays within Claims & Objections period to be prescribed by the CEO

4. Disposal of Claims and Objections – 10.01.2021

5. (i) Checking of health parameters and obtaining Commission’s permission for final publication.
(ii) Updating database and printing of supplements – By 14.01.2021.

6. Final Publication of E-Roll – 20.01.2021 (Wednesday)

ISSUED BY : INFORMATION & PUBLIC RELATIONS OFFICE
SIAHA DISTRICT : SIAHA