Siaha DC In Siaha District Boxing Association(Sidba) Hnenah Tanpuina Rs.5,00,000/-A Hlan

Siaha; October ni 16:
Pu Bhupesh Chaudhary, IAS, Deputy Commissioner, Siaha chuan vawiin chawhnu dar 1:00PM khan Siaha District Boxing Association hnenah Boxing Hall sakna tur atan cheng nuai 5 a hlan.

Deputy Commissioner chuan boxing khelhna tur hmanraw tha kan nei lo chung pawhin boxer tha leh langsar tak tak Siaha District-in kan nei hi a lawmawm hle a ni; a ti a. Hmabak êng tak kan neih hi chhawm nung zel turin boxer kalkhawmte a ngen.

Thilpek hlanna inkhawm tawiah chuan District Sports & Youth Services Officer, Pu H. Zonunmawia, MCS pawhin boxer kal khawmte fuihna thu a sawi a, hlawhtlinna kawng zawh tur chuan zu leh damdawi hman sual kawnga fimhlim a tul thu a sawi a, ei leh in lama fimkhur turin a chah bawk.

Tlawmngai pawl lian pahnih – MTP(H) leh MSO(H) te pawhin he hun hi an hmanpui bawk a ni.

ISSUED BY:INFORMATION & PUBLIC RELATIONS OFFICE
SIAHA DISTRICT:SIAHA