Siaha in CSR Malsawmna adawng leh ta

Tarchhuah NI : 04/03/2020

Siaha;March ni 3: Vawiin chawhma dar 11:00Am khan DRDA Conference Hall-ah  Siaha DC Pu Bhupesh Chaudhary IAS chuan ANGANWADI CENTRE  126 te hnenah heng bungrua te hi a semchhuak.

 1) Tuizem 2000 litre dawng

2) Dawhkan

3) Chairs-7

4) Book shelf

5)Water filter

6) White Board

Vawiin a  ANGANWADI CENTRE 126 te hnena Bungrua semchhuah tak te hi Cheng Rs.47,00,000/- man a ni a. Heng Pawisa te hi  District Bawrhsap Pu Bhupesh Chaudhary IAS leh a subordinate officer ten Bharat Petroleum Corporation Limited (BPCL)  te Corporate  Social  Responsibility Fund atanga an dilchhuah a ni.

Vawiin ANGANWADI CENTRE te hnena bungrua sem programme hi Pu H.Zonunmawia’n  kaihruaiin, Pu Bhupesh Chaudhary IAS chuan khuallian niin  bungrua te a semchhuak.

Pu Bhupesh chuan bungrua semchhuahna programme-ah thusawiin, kan district a  ANGANWADI  CENTRE te  dinhmun ka en hian  furniture  chu sawi loh, tui thianghlim in tur tak ngial pawh a awmlo na te a awm a. Kan harsatna te chu BPCL te hnenah thlenin, an nin kan ngenna te chu min ngaithlak sakin, tanpuina cheng nuai Rs.47/- lai min pe ta a ni, a ti. Pu Bhupesh chuan  kan ANGANWADI centre te hi kan naupang ten zirna bakah  chaw tha(good nutrients) an dawnna tur a ni a. Nu naupai leh Nu naupawm te tan pawha  chaw tha an dawn na tur a ni bawk, tih hria a. Chutiang chuan kan ANGANWADI CENTRE hi a function em? tih pawh Tlawmngai Pawl, VC te leh mipui mimir hian kan ngaihvena a tulna piangah, hma kan lakpui a tul takzet a ni, a ti.Sawizelin,  khuallian Pu Bhupesh chuan kan Khawtlang hrisel tur chuan kan naupang, Nu naupai leh  naupawm te an hrisel hmasak phawt a ngai a, chu mi atan chuan ANGANWADI CENTRE  hi hman tangkai i tum vek ang u, a ti.

Vawiin programme-ah hian Head of Office te, Tlawmngai pawl hrang hrang hruaitute, VC te leh MJA member te thahnem tak an tel a ni.Programme hi Pu C. Lalnunfela, CDPO,Siaha in lawmthu sawina in a ti tawp ta a ni.

Issued by : I&PRO, Siaha