Awareness and Introduction of One Stop Centre Programme Siaha – ah hman ani

Tarchhuah NI : 25/02/2020

Siaha, February 25 : Vawiin chawhnu dar 1:00Pm khan DCPU Conference Hall Siaha-ah Anganwadi Workers Siaha khawchhung a mi te hnenah One Stop Centre in a thil tum leh a hnathawh hril hriatna hun hman a ni.He hun hi Pi. Imelda C. Zomuanzuali, Centre Administrator,OSC chuan kaihruaiin One Stop Centre a thawktute inhmelhriat tirna hun a hmang.

Awareness

He One Stop Centre thiltum ber chu hleilenna tuar hmeichhia, pan tur leh belh tur hre lo ten an pan tura awmlailawkna in( One Stop Centre) lo duan leh din sak hi a ni. He OSC hian hleilenna tuara lo pantu hmeichhia te chu a tul ang angin an lo buaipui thin dawn a ni. OSC hian medical First Aid te, Police hnena FIR thehluh te, DIR buaipui te, Legal Counselling pek te leh Dan leh hrai chungchanga tanpui an ngaihna apiang lo tanpui te leh an mamawh zualpui lo ngaihtuahpui te hi an lo tihsak vek dawn a ni.

Heng bakah hian an fapa kum 8 hnuailam leh fanu (kumbi thliah awm lo) te tan ni 5 leh zan 5 riah lailawkna tur he OSC- ah hian a awm bawk a ni. Hetiang lama harsatna tawk ten heng Phone No. 03835-222025- ah emaw 8730971451 -ah te biak pawh theih reng an ni.

Vawiin awarness ah hian Pi. Elizabeth Zodinpuii, Counsellor, OSC chuan Objectives and services provided by OSC awmzia leh sawizauna hun neiin; Pi. Judith, Superintendent, Swadhar Greh Home chuan Introduction of Swadhar Greh in a thiltum te zirtirna hun a nei bawk. Pi. Ngopapaw, Legal Councellor, pawh in Violence against women Act tih thupuia hmangin kalkhawmte zirtir na hun a hmanga, Pi. F. Lalthlamuanpuii, Case Worker, OSC pawh in Target group and Roles of AWWs tih thupuia hmangin kal khawmte zirtirna hun an hman bakah zawhna leh chhanna hun hman a ni.

Vawiin hun hmanah hian Anganwadi Workers te an tangkaina leh an mawhphurhna te sawiho a ni bawk.

Issued by – I&PRO, Siaha