Beti Bachao, Beti Padhao (BBBP)

Introduction:

BBBP scheme hi January 22, 2015 khan Haryana-ah Prime Minister Narendra Modi-a’n a hawng a; India ram chhunga District hrang hrang 100-ah bul tan a ni. Heng District 100 zingah hian Siaha District pawh a tel. Mipa naupang 1000 zela chhutin hmeichhe naupang hi kan District chhungah hian an tlem hle a, a chunga kan tarlan (CSR) khi a ni e. Hei hi India sawrkar chuan a ngai thu tak em em a ni.

Beti Bachao, Beti Padhao (BBBP) Scheme

Atum Bulpui ber : Hmeichhe naupang chawikàn leh lehkha zirtir

A Thil Tumte

1. Hmeichhe fa pai avanga tihtlak thin tihreh.
2. Hmeichhe naupang humhalh a, an chawr chhuahna tur ngaihtuahsak.
3. Hmeichhe naupangte rual pawltir a, zirna tha tak pek.

Eng nge ka tih ve ang?

1. Hmeichhe naupang an pianin ka lawm ang a, Lalpa pêk ngei a ni tih ka pawm ang.
2. Fanute ka chhuang ang a, ‘hmeichhia chu mi dang ta tur alawm,’ tih ngaih dan ka thlâk ang.
3. Hmeichhe naupang leh mipa naupang inang renga en an nih theihna tur kawng ka zawng ang.
4. Hmeichhe naupangte’n zirna an beih a, hma an sawn zel theih nan hma ka la ang a, theihtawp ka chhuah ang.
5. Nuin mipa nge hmeichhia a pai tih hriat nana test a nei a ni tih ka hriat chian chuan ka report vat ang.
6. Vengchhung leh khawtlang a lo him a, hmeichhiate laka hleilenna leh nunràwnna a lo bo theih nan ka bei ang a, thuneitute ka thawhpui ang.
7. Kum tlin hmaa nupui/pasal neih leh thuam chhawm vak vak hi ka do ang a, mi dang ka zirtir bawk ang.
8. Inneihnaa insèn vak vak loh ka châwi lar ang.
9. Hmeichhiate’n ro an khawm ve theih nana an dikna chanvo humhalhsak an nih theih nan ke ka pên ang.
10. Mipa naupang leh mipa puitlingte hminin, hmeichhia leh mipa nihphunga ngaih dan dik lo awm thinte tibo turin ka bei ang.

Zarzotu:

Hmeichhe naupang hamthatna

Hlawkna:

Hmeichhe naupang