Observance Of RTI Week-2019 Programme Siaha-Ah Hman A Ni
Tarchhuah NI : 11/10/2019
Vawiin chawhma dar 11:00Am khan DC Conference Hall-ah Right to Information (RTI) Week, 2019 pualin programme hman a ni. He RTI Week programme hi Pi B. Malsawmtluangi, SDO(S) in a kaihruai a.
Vawiin Right to Information Week, 2019 programme-a khuallian Pu Bhupesh Chaudhary IAS, Deputy Commissioner, Siaha chuan thu sawiin, mipuite’n an theihna zawn theuh a tha taka sawrkar an thawhpui theih nan sawrkar in a hna thawhte leh a hmachhawp te an hriat a pawimawh a, chu chu RTI-in a tum pawh a ni, a ti a.
Department tina SPIO leh SAPIO te chu RTI thil tum tihlawhtling tura tha taka thawk turin leh mipui lam pawh sawrkar tibuai zawng ni lovin, a tangkai leh hmasawn zawnga RTI chu hmang turin a chah a. Zirlai naupangte paw’n RTI hi belchian a, dilchhutna rilru pu tura chahin, sawrkar hna thawh dante leh kalphungte hriat tum ve thin turin a chah hlawm bawk a ni.
Vawiin RTI Week-2019 programme a Resource Person Pu N. Vabeiratlua, DIPRO chuan RTI Act, 2005 leh Mizoram RTI Rules, 2010 bakah SPIO, SAPIO leh mipuite hriattur pawimawh zualte sawifiahin, zirtirna hun a hmang a.
Resource Person Pi B. Malsawmtluangi, SDO(S) kaihruaina hnuaiah RTI kaihhnawih sawihona leh zawhna leh chhanna hun hlawhtling tak hman chhunzawm a ni. Zawhna awm ang angte hi Resource Person Pi B. Malsawmtluangi leh Pu N. Vabeiratlua ten hneh taka chhangin, sawifiah ngai leh zawhbelhna awmte chu an sawifiah zel bawk a ni.
RTI Week hi kum 2011 atang khan kum tin October ni 5-12 chhung hman thin a ni a. Vawiina RTI week hawnna hunah hian state sawrkar leh MADC hnuaia State Public Information Officers (SPIO) leh State Assistant Public Information Officers (SAPIO) te, Office hrang hranga RTI Dealing Clerk te, tlawmngai pawl hrang hrang ai awhte bakah, Government Saiha College, Government Siaha High School leh DIET Lecturer leh Trainees te an tel kim hle a ni.
Pu N. Vabeiratlua, DIPRO chuan lawmthu sawina in, vawiin RTI Week programme hi a titawp a ni.
ISSUED BY : INFORMATION & PUBLIC RELATIONS OFFICE
SIAHA DISTRICT : SIAHA
