BBBP week hawnna programme Siaha-ah hman a ni

Siaha; January ni 20: Vawiin chawhnu dar 2:00Pm khan DC conference Hall-ah BBBP( Beti Bachao Beti Padhao) Week hawnna programme hman a ni a. Pu Malsawmtluanga Addl.DC chuan khuallian niin a hmanpui. Vawiin BBBP week hawnna programme-ah hian Siaha BBBP Nodal office in a buatsaih 2020 Calendar leh Music Video te chu Khuallian hian a tlangzarh nghal a ni.

Khuallian Pu Malsawmtluanga chuan thu sawiin, BBBP hi hmeichhe naupang te hnualsuatna leh hleilenna hrang hrang laka chhanchhuah a, an dinhmun chawikanna tura Centrally Sponsored Scheme a ni a. BBBP Scheme kalpuina tura Siaha District thlan kan nihna chhan chu Siaha District-ah hian nausen piang zingah hmeichhia aiin mipa an tam zawk thin vang a ni ber a. Vairam te ang a hmeichhe naupiang hnualsuatna a awm emaw an tih vang a ni ber e. Mahse Mizoramah chuan naupiang zingah Mipa leh hmeichhia thliar hranna a awm lo chauh ni lovin, kawng engkimah kan hmeichhia te dinhmun hi mipa dinhmun aiin a tha ta zawk emaw tih tur a ni. chuvangin BBBP hi Siaha district-ah chuan a hlawhtling sa a ni e. Mahse he BBBP scheme atanga kan hmeichhia te chawikan lehzualna remchang awm chu bawhpelh lovin, a thawktu te pawhin tan i la zual sauh ang u, a ti.

Vawiin programme hi Pi B.Malsawmtluangi,SDO(S) leh Nodal Officer,BBBP ni bawk chuan a kaihruaiin, Pu VL Zuithanga, Project Coordinator,BBBP chuan BBBP hnuaia Siaha district a hmalak tawhna leh hmachhawp hrang hrang report a pe .

Pi B.Lalruatpuii, Women Welfare Officer,MSK in lawmthu sawinain vawiin programme hi a khar ta a ni.

ISSUED BY:INFORMATION & PUBLIC RELATIONS OFFICE
SIAHA DISTRICT:SIAHA