National Deworming Day Siaha-ah hman a ni.

Publish Date : 10/02/2020

Siaha ; February ni 10 : Vawiin chawhma dar 11:00Am khan E.C.M. Higher Secondary School-ah Shri Bhupesh Chaudhary IAS, Siaha District Bawrhsap chuan Rulhut Do Beihpui thlakna hun a hawng. He hun hi Dr. C. Hnichho, Chief Medical Officer chuan a kaihruai a ni.
Pu PC. Lalngaihzuala, DEO pawhin thu sawina hun a hmang bawk.

He Rulhut do beihpui thlakna hi Government of India bultumin National Health Mission, Health & Family Welfare Department hnuaia kalpui niin, vawiin ni 10th February, 2020 hian Anganwadi Centre leh School hrang hrang a Naupang/Tleirawl kum 1-19 inkar te hnenah Rulhut hlo Albendazole pek vek tura hmalak a ni a. Hemi ni a ei ve hman lo zawngte chu dt 17.2.2020 (Mop-up Day) a ei leh tura ruahmanna siam a ni bawk.

Pu Lalnunfela, CDPO, Siaha ICDS Project chuan lawmthu sawinain, National Deworming Day khuhhawnna hun hi a titawp a ni.

Issued by : I&PRO, Siaha