Siaha-ah Maraland Âhiah Paohpa (MARALAND ORGANIC CHILLI POWDER) tlangzarh a nia, Tisopi Aieng pawh phochhuah leh a ni.

Tarchhuah NI : 19/05/2020

Siaha; May ni 19 – Vawiin chhun dar 12:00Noon khan DC conference Hall-ah District Bawrhsap Pu Bhupesh Chaudhary IAS chuan MARALAND ORGANIC CHILLI POWDER pack @ 50gram chu mitin te lei theih turin a tlangzarh a. Tisopi Organic Aieng pack pawh phochhuah thar leh a ni bawk.

Pu Bhupesh chuan tlangzarhna thusawiin; Zyhno tlangdung khua te hi Hmarcha thak tha chi tharchhuak hnem khua te an ni a. Market a that vak loh avang leh a phorona khawl te a awm loh avangin kum khatah vawikhat chauh an tharchhuak thin a ni. An hmarcha tharchhuah te chu State pawn lam atanga lo kal sumdawng ten, Hmarcha ro hi Kg-ah Rs 150/- chauh te’n a lo leisak thin a ni.Kut hnathawktute sum lakluh ti tam tur leh kumkhata vawikhat aia tam tharchhuah tir dan ngaituahin concern dept hotute nen inrawn chungzelin; Chilli Powder Processing Plant din hi tihmakmawhah ka ngai ta a; hetiang hian hmalak ho a ni ta a ni.

1) RKVY- Scheme atangin – Pack House , Store house, Collection centre leh Drying solar tunnel 3 siam a n.

2) BPCL- Bharat Petroleum Corporation Limited te CSR( Corporate Social Responsibility) fund atangin Chilli pulverizer, packing machine, sealing machine leh weighing machine te ruahman a ni.

3) MIDH ( Mission for Integrated Development of Horticulture) Scheme hnuai atangin Electric wiring zawng zawng, Cementing Solar Tunnel floor leh Basins te ruahman a ni.

4) MNREGA atangin Water tank siam a ni a, hlawhtling takin Chilli powder processing plant chu din fel a lo ni ta a.

Kumina Hmarcha tharchhuah chanve aia tam chu State pawn lam atanga sumdawng lo kal te hnenah an lo hralh hmana, a bak quintal 15 hi kumin atan siamchhuah thei chu a lo ni ta a ni.

Zyhno, Ahmypi, Khopai,Siatlai,Chheihlu leh Laki khuaa hmarcha chingtu mi 283 te chu Self Help group 25-ah thenin, Maraland Chilli Grower Association,Zyhno an din ta a. Chilli processing Plant hi khaw laili ber Zyhno khua-ah bun a ni ta a ni.

Hmarcha ro Kg-a Rs.150/- a hralh thin chu herhdipa a ni hnu chuan 50gram pack hi Rs.35/- a lo ni ta a. Tichuan hmarcha ro Kg khat atangin Rs.700/-lai a leichhuak thei dawn ta a ni.

Heng bakah hian Solar Tunnel hmangin Fur khawhnawng-ah pawh Hmarcha hi phoro thei alo nih dawn tak avangin kum khatah vawi 2 tharchhuah theih in beisei a ni a. Hun lo la kal zelah Maraland hmarcha te hi Fertilizer hmang lo (Organic ) a chin a ni avang leh a thak that em avang hian India ram chauh ni lo, khawvel huapah pawh market tha tak la nei tura beisei a ni, a ti.

Pu Bhupesh chuan India ram huap ngaihtuah chuan vawiina kan thil tlangzarh hi a nep mai thei e, mahse kan district leh kan kuthnathawktu te tan chuan thil ropui leh chhinchhiah tlak a nih ngei ka beisei, a ti bawk.

Zyhno Chilli Powder plant atang hian a vawikhat nan Pack 10,000 siamchhuah a ni a, Turmeric processing plant,Tisôpi pawhin kuminah pack 10,000 vel an siamchhuak ve leh bawk a ni.

Vawiin Maraland Âhiah Paohpa(Maraland Organic Chilli powder) tlangzarhna leh Tisopi, Aieng phochhuah lehna inkhawmah hian Hnamdang eichawp thil zuara Sumdawngte pawh sawm an ni a, meeting zawhah hian indawr dan tur leh thawhho dan tur an sawi ho nghal bawk a ni.

– I&PRO,Siaha