SIAHA DC IN VLTF HRUAITUTE MEETING A NEIH PUI

Publish Date : 23/04/2021

SIAHA DC IN CHAK ZAWKA (Ni 20/4/2021 leh 26/4/2021 inkara Covid-19 dona kal pui dan tur) INKHUAHKHIRHNA THUPEK A CHHUAH BAWHZUI DAN TUR REL TURIN VLTF HRUAITUTE MEETING A NEIH PUI (No:74/2021)

Siaha; the 22nd April 2021 – Vawiin chawhma dar 10:30 Am khan DRDA conference Hall-ah, Siaha district DMMA Chairman leh district bawrhsap ni bawk Pu Kesavan R, IAS chuan siaha district a VLTF hruaitute meeting a nei pui.

Vawiin meeting-ah hian Pu Kesavan chuan ni 20/4/2021 atanga 26/4/2021 inkar chhunga Covid-19 dona kalpui dan tur sawrkarin inkhuahkhirhna Thupek a chhuah chu Aizawl leh Mamit district-ah chiah zawm a hlawh thu sawiin, kan Siaha district a lo him zawk nan kan VLTF te tun aia nasa a an tan a ngai a ni, a ti. Mipui pawhin VLTF duty te thu kan awia, sawrkarin inkhuahkhirhna Dan a siam te kan zawm hram hram a tul tak zet a ni, a ti bawk.

Vawiin meetingah hian: Home Qaurantine chungchang, Movement permit chungchang, Thlaihna leh chawhme zawr dan tur chungchang,Community Quarantine Facility chungchang leh Sawrkarin Dawr hawn a phalsak ten an hawn dan tur chungchang te huangzau tak leh chipchiar taka sawiho va, rel a ni.

Pu Kesavan chuan Sawrkarin Covid-19 dona atana inkhuahkhirhna dan a siam te chak taka bawhzui a ni theih nana dan bawhchhetute hrem hmiah hmiah tawh turin VLTF hruaitu kalkhawm te chu a chah hlawm a ni.

ISSUED BY: DISTRICT INFORMATION & PUBLIC RELATIONS OFFICE, SIAHA DISTRICT: SIAHA