Ke in Siaha Bawrhsap in Tisôpi khua leh Siaha khawpui inkar kawngpui sial mek a zawh chhuak

Publish Date : 26/08/2019

Siaha ; August ni 24 :  Tukin zing dar 6:30Am khan Siaha District bawrhsap Pu Bhupesh  Chaudhary IAS leh amah tawiawmtu te chuan Siaha khawpui leh Tisopi khaw inkara PMGSY hnuaia kawngpui sial mek chu tlawhin, 14Km vel a thui ke an kal hnuah  Tisopi khua an thleng.

Tisopi leh Siaha inkar kawngpui sial mek hi Block 5 ah thenin, tunah Block 3-ah Road cutting an zo tawh a. Block 2-ah road cutting hna an thawk tan leh mek a ni. Siaha khawpui atanga Tisopi khaw kal nan hian LADC Area huamchhunga khaw 3: Lungzarhtum, Bualpui ‘NG’ leh Siachangkawn khua te paltlang ngaiin,  darkar 3 dawn kal a ni. Vawiin kawngpui thar sial mek atang erawh chuan LADC Area paltlang lovin Siaha atangin direct in Tisopi khua hi a kal thei dawn a, 15 km vel lek a thui a nih tawh dawn a ni.

Bawrhsap Pu Bhupesh leh a tawiawmtu te hi Tisopi khaw mipui ten ropui takin kawtchhuahah an lo hmuak a ni. Bawrhsap hian Tisopi khuaa Anganwadi leh School te, Centenary Women Self Help Group te enkawl mek PMKSY hnuaia Turmeric processing plant leh Sawrkar hmalakna hrang hrang  te a tlawh bawk a ni

He Turmeric Processing plant avang hian nikumah  khan Siaha district in Prime Minister Excellence Award in Public Administration lawmman te pawh a lo dawn phah tawh kha a ni a. Mahse kha PM excellence Award in a ken tel incentives cash prize  cheng nuai Rs.10/- erawh Tisopi khuaah hmang lovin hmundangah divert sak daih an nih thu khaw mipui te chuan Pu Bhupesh hi an lo thlen a ni. Tisopi khaw mipui te chuan ke ngata DC in an khua an tlawh chu an lawm tak zet a, a mit ngeia an harsatna te leh an mamawh te a lo hmuhpui a, a lo hriatpui avangin an lawm lehzual a. A lakah pawh beiseina sang tak an neih  thu an sawi bawk.

Vawiin bawrhsapin Tisopi khua a tlawhnaah hian Bialtu MDC Pu Biakcheuva leh sawkar official te : Pu Lal Thanzuala, Sr. EE, PWD, Pu.H.Zonunmawia, Election Officer, Pu NT. Jevis, SDO, PHE,  Pi H.Vanlalpari, JE, PWD ,C.Galilee Technical Expert, DRDA, Pu C. Lalremruata, Work manager, DRDA te  bakah Siaha khuaa Tisopui khawchhuak Welfare committee hruaitute, MTP(H) hruaitute leh Pu N.Zahry, MMS Addl.Secretary (Rtd) ten an tawiawm a ni.

Issued by:  Information & Public Relations Office, Siaha District : Siaha

DCSiaha