Close

Dr. K. Beichhua, Hon’ble Minister in Siaha a CHILDREN’s HOME te a tlawh

Publish Date : 13/04/2020

Siaha, ni 12 April, 2020 (Sunday): Vawiin chhun dar 12:00 khan Siaha a cham mek Dr. K. Beichhua, Hon’ble Minister of SWD.etc. chuan Easter Sunday denchhenin Siaha khawchhunga Hnuchham In(Children’s Home) te a tlawh.

Minister hian Ebenezer Children’s Home, New Colony Siaha a tlawh hmasa ber a. He Home hi Sawrkar din leh enkawl niin; kum 2014 khan ‘Shelter Home’ tia din a ni a, nikum atang khan Ebenezer Children’s Home tia a hming thlak a ni. Thawktu mi 11 awmin, naupang 12 (mipa 4 leh hmeichhia 8) an awm mek a, kum 5-14 inkar an ni.

Hemi zawh hian Grace Children’s Home College Vaih-II tlawh in tunhnaia Social Welfare Department atanga 10 Lakhs hmanga Compound cheina hnathawk a enfiah nghal bawk.

He Home hi ECM KNP Headquarters in kum 1992 khan ‘Motherless Baby Home’ tia an din a ni a, kum 2016 khan a hming hi thlak a ni. Tun thlengin naupang 135 an lo enkawl tawh a; tun dinhmunah naupang mipa 5 leh hmeichhia 10 an vaiin 15 thla 4 atanga kum 13 inkar te an enkawl mek a ni. Sawrkar lamin Office Staff 6 leh Nurse 2 an chhawr a, Home a naupang enkawltu 11 nen thawktu zawng zawng hi mi 19 an awm mek.

Minister hian kum 1985 a din Salvation Army’s Orphanage Boys Home, ECM Vaih, Siaha pawh a tlawh a. Tun dinhmunah he Home- ah hian thawktu mi 10 awmin, naupang enkawl lai mi 9 kum 7-14 inkar te an awm mek.

Minister hian Chief Minister’s Relief Fund atangin Ebenezer Children’s Home tan Rs. 6,000; Grace Children’s Home tan Rs. 7,000 leh Orphanage Boys Home tan Rs. 9,500 a hlan a, a vaiin Rs. 21,500 Home te tan a semchhuak a ni.

Home pathum enkawltute chuan Minister hi ei leh barah an dinhmun a that thu an lo hrilh a, a lawmawm hle. Minister hian Home enkawltute chu thlamuang taka awm tur leh a enkawl Social Welfare Department chuan engtiklai pawhin an dinhmun a enpui reng thu a sawi.

Minister hi Dr. Sahlu Khaila, DVO; Pu N. Vabeiratlua, IPRO; Dr. David Zaitinvawra, DCPO, ICPS; Pi Hepaw Hlychho, CO ICDS; Pu NT. Thatlua, Ex-MDC & GS, MNF Siaha; Pu Francis Lâpi, Joint Secretary, MNF Siaha; Pu Beichhuatha Hlychho, Maraland Editor leh midang te’n an tawiawm a ni.

ISSUED BY: INFORMATION & PUBLIC RELATIONS OFFICE
SIAHA DISTRICT:SIAHA

children's home