KHAPNA THUPEK

Publish Date : 02/03/2020

Siaha, March 2 : Khua a lo thalin, a lo ro tan leh ta a. Huan/Lo ram hal a lo hun leh ta bawk a, kan fimkhur tawk loh vang leh mei kawng tha taka kan siam thin loh avangin kan mamawh bak ram nasa takin kan ti kang thin. Hei hi thil pawi tak a ni a, tul miah lovah ram ngaw nasa takin a kang chhe thin a ni. Mei kawng sial loh bakah kan duh hunah Lo hal hun bithliah awm lovin thal khawro lutuk hnu-ah te Lo kan hal thin hian ram nasa takin a ti kang thin a ni. Sawrkar in Ram kang thin pawi zia hriain Fire Prevention Committee a din a, Lo hal hun tur bithliah te siam a ni.

Chuvangin, Siaha District Magistrate chuan Section 144 CrPC thuneihna hmangin hetiang hian khapna thupek a chhuah :-

1. Mi tumahin meilam/mei kawng sial hmasa lovin Huan/Lo ram leh Leipui an hal tur a ni lo. Lo hal hmain Mei kawng tha taka siam vek tur a ni. Mei kawng siam lo chuan Lo hal loh tur a ni.

2. Mi tumahin Ram tih kan loh tur a ni. Village Council te hriattir lovin mahni duhthu a Lo hal mai loh tur. Village Council tinin an ram chhung a kan loh nan uluk takin tlangau tir tur a ni.

3. Mi tumahin ramhnuaiah mei chhem timit lovin an kalsan tur a ni lo.

4. Siaha District chhungah Lo, Huan etc. hal hun MADC in a ruat : Huan 25.2.2020, Leipui 10.3.2020 hma ngei a hal vek tur tih thupek zawm lo emaw pawisa lo emaw a huntiam hnua lo hal an awm chuan dan anga an chungah hremna lekkawh a ni ang.

He thupek hi zawm a, a rang thei ang bera hma lo la zui turin Siaha District huam chhunga VC zawng zawng hriattir an ni. VC tin ten mahni area theuh ah he thupek hi zawm ngei a nih theih nana lo kengkawh a hma lo la zui turin hriattir an ni bawk. VC he thupek pawisa lo emaw zawmlo an awm chuan na taka hrem an ni ang.

He thupek hi chhuah a ni atanga chhiarin thlahnih chhung a huam ang.

Issued by : I&PRO,Siaha