KHAPNA THUPEK
Publish Date : 10/02/2020
Siaha; February ni 7 : District AH&Vety Officer, Siaha chuan Mizoram chhungah Porcine Reproductive and Respiratory Syndrome (PRRS) leh African Swine Fever (ASF) a la leng mek ni a hria in, hemi avanga Siaha District mipuiten buaina leh harsatna kan tawh loh nan District Magistrate, Siaha District chuan 144Cr.PC 1973 tlawhchhanin hetiang hian khapna thupek a chhuah:-
1. Mi tumah in State thenawm leh District dang atangin Vawk an la lut tur a ni lo.
2. Vawk damlo an serin, an hralh tur a ni lo.
3. Vawk thi reng reng khur thuk taka laiin, an phum tur a ni.
He dan bawhchhetute chu Section 188 IPC hmangin a hnuai a mi ang hian hrem theih an ni ang.
1. Thla khat Lung In tan emaw pawisa cheng 200/- thleng chawitir emaw a pahnihin.
2. Thlaruk Lung In tan emaw pawisa cheng 1000/- thleng chawitir emaw a pahnihin.
He Thupek hian chhuah a ni atanga thla hnih chhung a huam ang.
ISSUED BY : INFORMATION & PUBLIC RELATIONS OFFICE
SIAHA DISTRICT : SIAHA