Close

Awareness Programme On ‘The Science Of Climate Change In Mizoram’ Siaha-Ah Hman A Ni

Tarchhuah NI : 11/10/2019

Siaha; October ni 10 :
Vawiin chawhma dar 11:00Am khan DRDA Conference Hall-ah Mizoram Sik leh Sa inthlak danglam zel dante, engtianga lo hmachhawn tur nge? tih leh mipuite’n mawhphurhna hrang hrang kan neihte inzirtirna leh inhrilhfiahna hun hman a ni.

Vawiin programme hmanpuitu Siaha District Bawrhsap Pu Bhupesh Chaudhary IAS chuan thu sawiin, Sik leh Sa inthlak danglam zelin a kentel chhiatna leh harsatna te hi United Nation Organisation (UNO) emaw sawrkar chanah chauh nghat lovin, kan vaia mawhphurhna a ni tih hria in, hemi kawngah thapui thawh a hmalak tum theuh turin kalkhawmte chu a chah hlawm a ni.

Dr RK. Lallianthanga, Chief Scientific Officer & Member Secretary, MISTIC, Directorate of Science & Technology, Government of Mizoram chuan keynote address sawina hun a hmang bawk. Sawi chhunzawmin, Siaha District kan lo luh tan atangin kawngtluanin Roadside Plantation uluk taka enkawl tih hriat reng han hmuh hian, vawiina kan programme hmantur nen a inlaichin hlein ka hria a, ka phurh hle a ni, a ti a. He Roadside Plantation hi Mizoramah a ber a ni ngei ang tih ka ring a, a enkawltu Environment & Forest Department, MADC te an chhuanawm in, fak an phu hle a ni, a ti bawk.

Pi H. Laldinpuii, Project Scientist, MISTIC chuan Power Point Presentation hmangin, Khawvel huapa Sik leh Sa inthlak danglam zel dante, nghawng a neih hrang hrangte, heng laka hmalak dantur te leh mipuite ina kan zawm ve tur thil pawimawh zual hrang hrang kalkhawm mipuite chu entirin, sawifiahna hun a hmang nghal bawk a ni.

Pu Lalthanpuia, Scientist-B, MISTIC pawhin Mizoram chhunga Sik leh Sa inthlak zel dante, kan khawsakna a nghawng a neih dan turte leh hemi ina a kentel tur chhiatna leh harsatna hrang hrangte laka kan lo inhmakhua lawk danturte sawiin, kan chhehvel, kan ram chhunga ram ngaw, thing leh mau, nungcha te kan humhalh a tul ziate leh kan nitin mamawh hrang hrang heng Plastic atanga siam thilte, kan bawlhhlawh paih dante hi kan fimkhur a, a nihna dik taka kan bawlhhlawhte kan sawngbawl a pawimawh ziate uar takin zirtirna leh hrilhfiahna hun a hmang a, Power Point Presntation hmangin entirna hun a hmang bawk.

Mipui lam atanga zawhna awm ang angte leh an hriatthiam loh te chu mithiamte chuan chhang zelin, sawihona hun leh hmalak dantur ngaituah honate neih a ni a, Programme kar lakah zaithiam Nl. Jessica B. Khuhly zai ngaithlakna te neih a ni bawk.

Pu Lalthanpuia, Scientist-B, MISTIC chuan lawmthu sawiin vawiin Science of Climate Change programme hi a titawp a ni.

ISSUED BY : INFORMATION & PUBLIC RELATIONS OFFICE
SIAHA DISTRICT:SIAHA

science_of_climate_change