BBBP Marathon Race Siaha -ah nei a ni.

Siaha,March 15 :  Beti Bachao Beti Padhao Scheme kaltlangin, Deputy Commissioner, Siaha District buatsaih Marathon Race Siaha-ah nei a ni.

Tukin zing dar 6:30Am khan Siaha vaihpi Playground atanga tlan tan in, AOC, College vaih thleng an tlan a, Siaha vaihpi ah an let leh a ni. Vawiin Marathon Race a tlan naupang 200 chuang te hian BBBP T-Shirt an ha vek a, an phurin zawngchhang thlak an ti hle a ni.

Smt Harleen Kaur IAS, Siaha District bawrhsap chuan thu sawiin, hmeichhe naupangte hmakhaw ngai a Nu leh Pa thahnem tak an chechhuak chu lawmawm a ti a, an hmakhua tur pawh ngaihtuah zel turin a chah hlawm bawk a ni. Siaha District-ah hian Mipa naupang aiin hmeichhe naupang an tlem zawk a, hei hi Central Sawrkar chuan a ngai thutak em em a ni tiin, keini pawhin hmeichhe naupangte hi kan lawm thiam a, kan enkawl that a ngai a ni a ti bawk.

Tukin Marathon Race tlanna ah hian Pi Lalnunmawii, SDO(S) leh Dr David Zaitinvawra, DCPO te pawhin an telpui a ni.

ISSUED BY : INFORMATION & PUBLIC RELATIONS OFFICE
SIAHA DISTRICT : SIAHA