Close

DC OFFICE, SIAHA IN CSR FUND A KHERCHHUAK LEH TA

Tarchhuah NI : 18/12/2019

Siaha ; the 18th December, 2109:

Pu Bhupesh Chaudhary,IAS Deputy Commissioner, Siaha District chuan vawiin chawhma khan; Bharat Petroleum Corporation Limited (BPCL) te CSR fund atanga a dilchhuah Bawlhlawh thiarna/paihna tur lirthei thar diai 2 chu DC conference Hall kawt atangin vailiamin, MADC hnuaia LAD department te kutah a hlan nghal a ni.Heng lirthei bakah hian Biodigester pakhat cheng nuai ₹19 man a lo chhawm tel bawk dawn a ni. A vaiin BPCL te CSR fund atang hian cheng nuai ₹37 dilchhuah hlawhtlin a ni.

Biodigester hian Bawlhlawh tawih thei te chu leitha-ah chantirin, chung leitha te chu Horticulture department ten Siaha District-a loneitute hnenah an semchhuak dawn a ni. The Deputy Commisioner Siaha, Pu Bhupesh Chaudhary, IAS chuan reported pein, hetiang project hi mizoramah a vawikhatna a ni, a ti.

Pu Bhupesh Chaudhary chuan kan bawlhlawh sawngbawl dan hian kan faina chungchangah chauh kawngro a su lova, kan rilru hmasawnn thlengin a nghawng a ni. He project hlawhtlingna thuruk chu thawhhona tha a ni. Sawrkar mi leh sa te chauh ni lovin, tlawmngai pawl, VC leh mipui mimir hian mawhphurhna kan nei vek a ni. Hawh u; kan district hma a lo sawn zualzel theih nan leh kan lo fai zual zel nan i thawkho te ang u, tiin kalkhawm te chu a sawm a ni. Heng thiltum pathum(3) : Reduce, Re-use leh Recycle (Titlem, hmannawn leh siamnawn) te hmang hian kan bawlhlawh te hi i sawngbawl te ang u, a ti bawk.

Pu N.Zakhai, CEM MADC pawhin thusawina hun hmangin, DC leh a thawhpui te chungah lawmthu sawiin, DC viaktha leh a hmangchang hria kan neih hi Siaha District in kan vannei phah hle a ni, a ti. Vawiin flag-off programme-ah hian MADC leh GoM official te, MJA te leh sawmbik te an tel a ni.

ISSUED BY : INFORMATION & PUBLIC RELATIONS OFFICE, SIAHA DISTRICT : SIAHA