Close

Faina Hapta Hawnna Programme Siaha-ah Hman a ni.

Tarchhuah NI : 03/10/2019

Siaha, October 2 : Tukin zing dar 7:00Am khan Siaha Bazar Traffic point-ah Faina Hapta hawnna hun hman a ni.

He programme hi Pi B. Malsawmtluangi, SDO(S) chuan a kaihruai a ni. Khuallian Pu K. Vanlalthiana, Additional Deputy Commissioner, Siaha chuan fuina thu sawiin, Siaha khawpui leh kan district pumpui kan fai zual thei nan mipuite tunai nasa a tan kan lak deuh deuh a ngai dawn a ni, tiin. He Faina Hapta hi kar khat awh tur chauh ni lo se, faina hian tawpchin a neih tur a ni lo a ti a. Faina hi Pathian anna bul a ni angin kan In, kan chhehvel bakah kan thinlung pawh a fai tur a ni, a ti a. Tukin zing atang hian kan vai hian faina hi i ngaipawimawh thar leh ang u, tiin kalkhawm mipuite chu a chah hlawm a ni.

Faina Hapta denchhen hian : Veng faiber, Office Fai ber, School fai ber, Hotel & Restaurant fai ber,Faina chungchanga ziak tha ber chanchinbu te thlan a ni a nga. Zirlai naupang te tan Essay Competition bhatsaih a ni bawk ang.

Pu Henry PL. Hnaihly, Senitation Officer, MADC kaihruaina hnuaiah ‘Plastic hmanglo tura intiamna’ sawirualna hun neih nghal a ni.

District Council Local Administration Officer Pu K. Beingiachhie kaihruaina in Slogan sawirualna neih niin ‘Bawlhlawh chu a bawmah, kan District hi i vawng fai ang u, Siaha District ah Plastic hi hman tawh lo tur, Faina kan duh’ tihte in aurual a ni a.

Siaha bazar traffic point atanga New Siaha bazar thleng Anti-Plastic bags use Rally neih nghal a ni.

Issued by : Information & Public Relation Office, Siaha District; Siaha