SIAHA-AH INTERNATIONAL DAY OF GIRL CHILD, 2020 PROGRAMME HMAN A NI

Siaha, the 10th October, 2020 (Inrinni) :

Vawiin chawhma dar 11:00 AM khan, Beti Bachao Beti Padhao (BBBP), Mahila Shakti Kendra (MSK) leh District Child Protection Unit (DCPU), Siaha buatsaihin International Day of Girl Child, 2020 chu NSV, New Colony-ah hlawhtling taka hman a ni. He hun hi Pu Kesavan R, IAS, Deputy Commissioner, Siaha chuan khuallian niin a hmanpui.

Khuallian Pu Kesavan chuan thu sawiin, International Day of Girl Child Day, 2020 pualin kalkhawmte duhsakna a hlan a. Siaha District-ah BBBP Scheme kum 2015 atanga bul ṭan a nih tawh thu tarlangin hmeichhe naupang thiamna leh theihna tipung zel tura ṭan lak zel a pawimawhzia sawiin hemi kawnga thawh hona ṭha a awm zel theih nan Siaha mipuite ṭawiawmna a pawimawh thu a sawi a ni.
Pu N. Lalzarzova, SDC Siaha pawhin Siaha District chhunga hmeichhe naupangte dinhmun tlangpui leh anmahni tana sorkar hmalaknate tar langin thusawina hun a hmang bawk.
Ephesi Hlychho, Child Protection Ambassador pawhin District Child Protection Office hmalakna ṭhenkhatte tar langin report a pe a. Imelda C. Zomuanzuali, Centre Administrator, One Stop Centre (OSC) Siaha pawhin OSC chungchanga mipuite hriattur thil chi hrang hrang sawina hun a hmang bawk.
He hunah hian S. Kerosthene, Lois Vytuchhô leh ECM KHP Bethesda te hnen aṭangin Special Item chi hrang hrang ngaihthlak a ni a.
Dr David Zaitinvawra, District Child Protection Officer, Siaha chuan kal khawmte hnenah lawmthu sawina neiin he hun hi a titawp a ni.
International Day of Girl Child, 2020 programme hmannaah hian ECM KNP, KTP leh KHP Hqrs, MTP Hqrs, MChP Hqrs hruaitute, Siaha khawpuia Children’s Home hrang hrang a thawktute leh OSC, MSK leh DCPU thawktute an tel a ni.

ISSUED BY: INFORMATION & PUBLIC RELATIONS OFFICE
SIAHA DISTRICT:SIAHA