Siaha-Ah Plastic Bawlhlawh Thenfai Hnatlang Runpui Neih A Ni

Siaha, October 11 :
Tukin zing dar 9:00Am atang khan Siaha Town Sanitation Task Force buatsaihin Siaha khawpui chhungah Plastic bawlhhlawh thenfai hnatlang runpui neih a ni.

Vawiin hnatlang runpui hi tahrik ni 4.10.2019 a Siaha Town Sanitation Task Force meeting ina alo rel tawh bawhzuina kalzel kha niin, Siaha khawpui huam chhunga Luikawr lian zual 13 leh Sidedrain a Plastic bawlhhlawhte chu thenfai a ni.

Vawiin hnatlang runpui neihnaah hian Siaha khawpui chhunga Department hrang hrang, School hrang hrang, Siaha Town chhung VC te leh NGO’s hrang hrangten an thawk a ni. Hnatlang a thawkchhuak thei hi mi 2236 an ni a. Plastic bawlhhlawh chhar khawm hi Carbage bag 482 khat, 4220kg a rit a ni.

Heng hnatlang thawktute hi group 13 ah inthenin, officer ruatbik mi 26 in an hova, overall supervision hna hi DC,CMO, Sr.LAO,MADC &staff leh DPO(NULM) & staff ten an thawk thung a ni. Vawi ni denchhen hian Siaha khawchhunga Office leh School awmte chuan an complex leh quarter tihfai hna an thawk hlawm bawk a ni.

Vawiin hnatlang runpui neihna a thawkchhuakte hman tur Standard Garbage Bag leh Gloves te sem a ni bawk. Plastic bawlhhlawh chharkhawmte hi PHE(D) lamin mipuite tana him thei ang bera ti riral turin an sawngbawl nghal vek a ni. Heng bawlhhlawh chharkhawm paihna tur motor te hi LAD, MADC leh MPWD lamin an tum bawk a ni.

ISSUED BY : INFORMATION & PUBLIC RELATIONS OFFICE
SIAHA DISTRICT : SIAHA