Close

Siaha-ah Road Safety week Hawnna hun hman a ni.

Tarchhuah NI : 16/03/2020

Siaha; March ni 16 : Vawiin chawhnu dar 2:00Pm khan District Bawrhsap Pu Bhupesh Chaudhary IAS,Office chamber-ah ROAD SAFETY WEEK-2020( 16th March-22nd March) hawnna hun hman a ni.

Kum dangah chuan Siaha Bazar Traffic Point-ah zingkarah hman thin a ni a. Kuminah erawh chuan Covid-19 boruak avangin mipui pungkhawm ngai function hi a theih chin chinah pumpelh duhna avangin Bawrhsap office chamber-ah programme hi huaihawt a ni ta zawk a ni. Vawiin programme tawite hmanah hian lirthei khalhtu tin ten an hriattur leh tiam ve tur thutiam Road safety pledge chu a ruala sawichhuahna hun hman nghal a ni.

ROAD SAFETY PLEDGE

Road Satety Pledge

1. Lirthei Accident thlen thinna chhan tam ber hi rui chunga lirthei kan khalh thin vang a ni. Chuvangin accident laka kan him theih nan, harhfim ngeiin lirthei ka khalh ang.

2. Lirthei khalh chak lutuk avang hian accident a thleng fo thin. Chuvangin accident laka ka him theih nan, Dan phal chin aia chakin lirthei ka khalh lo ang.

3. Traffic Rules te hi lirthei leh ke a kal te him nan leh awlsam zawk nan siam a nih angin, tha tak a zawm ka tum ang.

4. Lirthei khalh laia mobile phone hman hian rilru ngaihtuahna a ti peng a, accident a thlen phah fo thin. Chuvangin lirthei khalh laia mobile phone hman ka duh chuan, kawngsir ah lirthei tidingin ka hmang chauh thin ang.

5. Kawngpui hi mi zawng zawng ten kan in hman tawm a nih avangin, midangte zai ngai chungin lirthei ka khalh thin ang.

6. Kawngpuiah fimkhur tak leh lirthei lokal ngaichang chungin ke in ka kal thin ang.

Vawiin programme-ah hian Pu Bhupesh chuan thu sawiin; mipuiin Traffic Rules kan zawm theih nan leh mipui kan him tlan zawk theih nan pamphlet te pawh DTO office in an semchhuah mek a. Kan zavaia kan him tlan nan Ke a kal leh Driver te hian Traffic rules hi kan zawm hram hram a tul a ni, a ti. Road Safety week-2020 chhung na nâ nâ chuan Traffic Rules ngaih pawimawh a ni theih nan, dan bawhchhia te lakah ngaihhnathiamna lan tir lek lovin, Traffic Police te leh DTO enforcement staff te pawhin inthikthu in tih chhiat a, in strict hle a tha ang, a ti bawk.

Vawiin Road Safety Week-2020 hawnna programme-ah hian Road Safety Committee te an telkim hle a ni.Week hian hian March ni 16 atangin ni 22 thleng a awh ang.

Issued by : I&PRO, Siaha