Siaha DC In Gov’t Saiha College A Tlawh

Siaha; November ni 5: Siaha District Deputy Commissioner leh Rashtriya Uchchatar Shiksha Abhiyan (RUSA) Committee Chairman ni bawk Pu Bhupesh Chaudhary IAS, chuan vawiin chawhma khan Gov’t Saiha College,Siaha a tlawh a. Gov’t College a Rashtriya Uchchatar Shiksha Abhiyan (RUSA) hnuaia physical infrastructure lama hmalakna hrang hrang te a enkual. Gov’t Saiha College hian RUSA hnuaiah Fund cheng vaibelchhia 4 a dawng a. Chu fund chuan Library cum Seminar Hall te, Building vertical extension te, Canteen tur building te an sa mek a ni.

DC hi GSC principal Dr.Abdul Hannan Barbhuiya leh a thawhpui ten an lo dawng sawng a. Principal Office chamber-ah Faculty member te nen inkawmhona an nei nghal a ni.Tun din hmunah hian Mizoram chhunga college te zingah GSC hi Faculty member tlemna ber college a ni mek a ni. A tlem berah Faculty member 24 awm tur a ni laiin, tunah hian GSC-ah hian Faculty member 19 chiah awmin, a nghet phei chu 9 chiah an awm thu DC hnenah an lo thlen a. Gov’t Saiha College aia college naupang zawk daih te pawhin Faculty member 30 chuang te an nei thu an sawi bawk. Women’s Hostel-a cook pawh Hrangbana College-ah attached in a awm daih a, hosteller te hian mahniin eirawng an inbawl mek a ni.

Pu Bhupesh leh College zirlai naupang ten inkawmhona hun hlimawm tak an hmang a. Pu Bhupesh chuan English thiam nal atulzia zirlai naupang te chu hrilhin, english in thiam nal chuan hna exam leh zawnnaah in hmalam kawng a kaw rui mai ang, a ti.

Vawiin DC in GSC,Siaha a tlawhna-ah hian Pu H.Zonunmawia, Election Officer leh Pu N.Vabeiratlua,DIPRO ten an tawiawm a ni.

ISSUED BY:INFORMATION & PUBLIC RELATIONS OFFICE
SIAHA DISTRICT:SIAHA