Siaha DC-In Hmeichhe Nau Piang Lawmpuina Hlan

Siaha; January ni 28: Pu Bhupesh Chaudhary, IAS Deputy Commissioner, Siaha chuan vawiin chawhnu khan District Hospital, Siahaah hmeichhe nau piang thar lawmpuina a hlan. He lawmpuina hi Beti Bachao Beti Padhao (BBBP) scheme hnuaia programme pakhat a ni. He scheme kaltlang hian hmeichhe naupang chawi kanna tur atan kawng hrang hranga hma lak mek a ni.

Lawmpuina thilpek a hlan rual hian Deputy Commissioner chuan damdawi ina thawktute chu fuihin, nu nau pai inekawlna leh tha taka an hrin theihna tur lam zirtirna zau zawka kalpui turin a ngen.

Lawmpuina thil pek hi mi pathum hnenah hlan a ni a; Deputy Commissioner hi Pu VL Zuithanga, BBBP Project Coordinator leh Pi B. Lalruatpuii, Women Welfare Officer (MSK), Siaha ten an tawiawm a; Chief Medical Officer, District Medical Superintendent leh damdawi ina thawktute’n an lo dawng sawng a ni.

ISSUED BY:INFORMATION & PUBLIC RELATION OFFICE
SIAHA DISTRICT:SIAHA