Tunhma Chanchin

Siaha district hi India rama Mizoram state, district pariat zinga mi a ni a, Siaha district hi Lunglei district atanga chhim lama awm niin Lawngtlai district khawthlang leh Myanmar ram hmar lamah awm a ni a, a ram zau zawng hi 1399.9 km2 a ni. Siaha khawpui hi distict thuneihna hmunpui ber a ni a. Chhiarpui 2001 ah mihring awmzat chu 60,823 a ni a, chhiarpui 2011 ah erawh chuan 56,574 ah a tlahniam thung a ni. Siaha district hi Mizoram district pariat zinga mihring tlemna ber a ni a, tunhma chuan Chhimtuipui district tih a hriat a ni. Kum 1998-ah Chhimtuipui district chu hmun hnihah then a ni a, a then lehlam chu Saiha district tih a ni a, amaherawhchu Chhimtuipui district tih a koh a ni tho a ni.

Siaha district-ah chuan Siaha ( Mara Autonomous District Council chuan official hming atan Saiha tih a hriat thin kha Siaha a thlak a ni) hi India hmarchhak Mizoram state a chhiarpui neihna hmun (census town) a ni a. Siaha hi Mara Autonomous District Council a rorelna hmunpui ber (Hqrs)a nihin, Mizorama Autonomous District Council pathum awmte zinga pakhat a ni. Siaha hi Mizoram chhim lama awm a ni a. ‘Siaha’ awmzia chu an mahni Mara tawng atanga lak a ni a, ‘Sia’ chu ‘Masia’ ‘Sai’ tihna a ni a, ‘Ha’ chu ha (teeth) tihna a ni a, a awmzia ber chu ‘Sia Ha’ (Sai Ha) tihna a ni. He hmunah hian Sai Ha tam tham tak an hmuh avangin Siaha (Saiha) khaw hming a lo pu ta a ni. Mizote chuan Saiha tiin an koh thin a ni.

Siaha hi Mara mipuite sumdawnna hmunpui ber a ni.

Zauzawng : District huam chin 1399.9 km²

Chhiarpui : 56,366 (as per 2011 census)

Ziak leh chhiar : 90.01%, Mipa – 21,685, Hmeichhia – 20,232 (as per 2011 census)

Blocks awmzat : Block pahnih a then a ni (Siaha RD leh Tipa RD)

Divisions : Divisions hi pahnih a then ani (Siaha leh Tipa)

Khua : Khua awma zat 92 Village Council a then a ni.

Police Station : Police Station awmzat chu pathum (3) ani a,

PS Hming te chu : Siaha PS, Tipa PS and Phura PS.

Tawng hmangte : Mara, Lai, Lushai (Mizo), English, Hindi

Tualchhung tawnghman ber chu Mara tawng a ni.