SIAHA DC PU KESAVAN IN DISPENSING PUMP A ENFIAH

Siaha; the 29th September, 2020:
Vawiin chawhnu khan Pu Kesavan R, IAS Deputy Commissioner, Siaha chuan Siaha a Petrol leh Diesel Pump awmchhun,Rama Filling Station chu tlawh thutin underground Oil quality leh Pump in oil a pek chhuah zat a dik leh dikloh te a enfiah.Deputy Commissoner hian Pump a thlen hnu-ah Legal Metrology Dept hotute kovin anni nen chuan kawng hrang hrang a endik hna thawh a ni a,hriatfiah ngaite inhrilhfiah a ni bawk.Vawiin a endikna-ah hian underground Oil thatlam -density chu dan phal chhungah a awm a ni tih finfiah a ni a.Mipuiin oil an thun mek pawh a tlingtha tih finfiah a ni bawk.DC hian Pump khawlchhung lam te pawh a seal that leh that lohte enfiah in,Fire extinquisher an kawldan te a enfiah bawk.Endik thut dawlzo Pump kan nei chu DC chuan lawmawm a ti a,hun lokal leh zel turah pawh tan la zel turin Legal Metrology dept leh Pump neitute chu a ngen a ni.Vawiin Pump endikna-ah hian DC hi Pu Lalthakima Chhangte SDC,Pu R.Lalnghakliana,Assistant Controller, Legal Metrology leh Pu LD. Vabeihruasa Inspector,Legal Metrology Siaha ten an tawiawm a ni.

ISSUED BY: INFORMATION & PUBLIC RELATIONS OFFICE
SIAHA DISITRICT: SIAHA