State 4 a tanga Siaha District khua leh tui lo haw turte lo dawnsawn dan tur relin DLTF thukhawm

Publish Date : 29/04/2020

Siaha ; April ni 29 : Vawiin chawhnu khan DC conference Hall-ah District Level Task Force on Covid-19 te chuan heng State 4 : Assam, Manipur, Meghalaya leh Tripura atanga Siaha district khua leh tui tangkhang te lo haw huna lo dawnsawn dan tur relin an thu khawm. Meeting hi DLTF Chairman leh district bawrhsap ni bawk Pu Bhupesh Chaudhary, IAS in a kaihruai a ni.

A chunga sawi tak State 4 a Mizoram state mi leh sa tangkhang te lo haw hun atan GoM chuan April ni 30 atang May ni 2 inkar chhung hun a ruat a. Hetah hian hriat theih chinah Siaha district mi leh sa lo haw tur mi 58 an awm ve a ni. Hetiangin:

ASSAM – 16

MANIPUR – 10

MEGHALAYA – 32

TRIPURA – Nil

State 4 atanga lo haw turte hian NH-54 kawng lo zawhin Siaha hi an lo lut dawn a ni. Excise & Narcotics Office, Meisatla-ah Screening Point siam a ni a, hetah hian Medical team ten Covid-19 hrik pai an awm leh awm loh te, an hriselna dinhmun te an lo check zel dawn a ni. Medical team ten khawi Quarantine centre awm tur nge ti Certificate an Issue sak hnuah mahni awmna tur quarantine Centre theuh va dahluh nghal an ni ang. Covid-19 +ve an lo awm palh hlauh chuan rang taka Civil Hospital-a Isolation ward a dahhran nghal an ni ang. Covid-19 hrik an pai leh pai loh hi vawi 2 test an ni dawn a, a vawi khatna hi Siaha an lo thlen zanah a ni ang, a vawi 2-na hi ni 7 khunghran an ni hnuah a ni ve thung dawn a ni.

Siaha town-ah hian quarantine centre 7 lai a awm a, mi 230 khunghran theina tur a ni. Tipa RD block hnuaiah Quarantine Centre 3 awm vein, mi 33 khunghran theina tur a ni bawk. Lo haw a te hi Zirlai naupang te, Damlo inentir te, chhungkua a zin te an ni hlawm a. An lo hawna state a zir te, mimal nge an nih chhungkua in, taksa lam damlona leh harstna an nei em ti te tehfungah hmangin an awmna tur Quarantine Centre hi thlan a ni ang. Mutbu erawh an chhungte theuhvin an lo ngaihtuahsak beiseih a ni.

ISSUED BY:INFORMATION AND PUBLIC RELATIONS OFFICE ; SIAHA DISTRICT,SIAHA