Hon’ble Mos Dr.K.Beichhua In Geologist Te Hruaiin Siaha Khawpui Chhunga “Sinking Area” Te A Tlawh

Siaha; October ni 31: Vawiin chawhma khan Siaha Town chhunga Lei tlakhniamna hmun( Sinking Area) hrang hrang Hon’ble MoS Dr.K.Beichhua chuan a tlawh.

Dr.K.Beichhua hian Central Sawrkar,Ministry of Home Affairs-ah; Home Minister Pu Lalchamliana hriatpuina thlapin Siaha District tan Pjoject lian Pathuma : District Jail sak that, Amotlah leh Darzokai inkar kawngpui sial leh Siaha khawpui chhunga Sinking Area te chu thuneihtute hnenah a thlen a.Central sawrkara thuneitute chuan, a ruala project lian 3 tihsak che chu a harsa a, a tahtawlhin kan ti dawn ni a. Tih hmasak ber tura i duh thlang rawh’ tia an thurawn bawhzuiin; vawiin chawhma khan Siaha khawpui chhunga Sinking Area Preliminary Observation neih turin mithiam Geologist te chahchhuakin, Lei tlakhniamna hmun(Sinking Area) te hi a tlawhpui hlawm a ni.

Mithiam rualte hi Dr.H.Lallenmawia, Senior Consultant, DM&R Department, GoM ,Pu Kenneth Chakma, Geologist, Geological Survey of India te, Dr.J.Malsawma, Asst.Professor, Mizoram University te leh Er. Lalbuatsaiha Hnamte, Zofa Consultancy Services te an ni a.Dr.H Lallenmawia hian team leader niin, team hi rawn ho hlawm a ni.

Vawiina Preliminary Observation report bawhzui hian Sawrkar laipui atangin mithiam rual lo kalin, chipchiar zawkin Sinking Area hi an lo zir anga, tichuan chung report tlawhchhan chuan GoM in DPR buatsaihin, central lamah a thehlut dawn a ni.

Vawiin Minister in Sinking Area a tlawhna-ah hian Dr.H.Lallenmawia leh a team te, MDC pahnih: Pu K.Biakcheuva leh Pu N.Lalrosanga te leh official thenkhatin an tawiawm a ni.

ISSUED BY: INFORMATION & PUBLIC RELATION OFFICE
SIAHA DISTRICT:SIAHA